MUSIKA ESKOLA

Musika Eskolaren beren beregiko eremu zehatzei dagokienez, esan genezake instrumentu-eskola dela gai pedagogiko nagusia. Izan ere, instrumentu-irakaskuntzak, norberaren interesen araberako adierazpen-baliabidea ez ezik, askotariko funtzio orokorretan esku hartzeko bidea ere eskainiko die musikazaleei, musika arloko prestakuntzaren oinarri-oinarrizko atala garatzeko aukera ematen baitu.

Musika Eskolak PIANO OSAGARRIAri buruzko ikasketak egiteko aukera ere eskaintzen die ikasleei.