2008EKO AURREKONTUA- MEMORIA

Ezarritako oinarrizko ardatzak ekonomikoki islatuta agertzen dira 2008ko Erandioko Udal Aurrekontu Orokorrean: azpiegiturak modernizatzea, herriko auzoen arteko oreka eta ekonomiaren hazkundea, herritarren bizi-kalitatea hobetzeko eragile.

Testuinguru orokor horretan kokatuta esan dezakegu Erandioko udalaren egoera ekonomikoa normala dela, izan ere, sarrera arruntak gastu arruntak baino handiagoak dira eta soberakina inbertsio gastuak finantzatzeko erabili daiteke.
Erabil daitezkeen baliabideen bilketa aldizkoari esker, gastuei sasoiz erantzuten ahal zaie eta urtean zehar noizbehinka baino ez dira Diruzaintzan tentsioak gertatuko, gertatzekotan ere.

Arlo bakoitzeko arduradunen proposamenetan bildutako informaziotik abiatu eta osatu dugu 2008ko ekitaldirako aurrekontu proiektua, Udal Agintaritzaren helburuak lortzeko tresna baliagarria delakoan. Lortu asmo ditugun helburuak lortzeko bidezkotzat jotzen diren baliabideak izendatu ditugu, zuhurtasunez egindako AURREIKUSPENetik abiatuta.


Gastuaren izaera ekonomikoaren arabera antolatu ditugu proposamenak, inbertsio jarduera eta gastu arrunta bereizita, eta proposamen egileek Ogasun Arloko Informazio Batzordeko kideekin izan dituzten bileren ondoren, lehentasunezkoak aukeratu dira, gizarte premiatasunaren arabera eta aurreikusitako sarreren muga aintzat hartuta.

Arestian adierazi bezala, aurrekontu honen helburuak dira: alde batetik, gure azpiegiturak modernizatzea, eta horretarako 23 milioi euro aurreikusi dugu. Kopuru horretan sartzen dira errepide eta urbanizazio obretarako aurreikusitako zenbatekoak.


Bestetik, auzoen arteko oreka. Arlo horretan, pertsonen mugikortasuna errazteko neurriak hartuko ditu Udalak eta 500.000 euro aurreikusi ditu herritarrek behin baino gehiagotan eskatu duten garraio publikoaren zerbitzua eskaintzeko.

1.1 SARRERAK

KAPITULUA	DESKRIBAPENA	GUZTIRAKOAK 2008	GUZTIRAKOAK 2007	ALDAKETA %
Eragiketa Arruntak
1	ZERGA ZUZENAK	5.755.000	5.738.076	0%
2	ZEHARKAKO ZERGAK	1.700.00	1.800.000	-6%
3	TASAK ETA BESTE DIRU-SARRERA BATZUK	4.958.925	4.299.066	15%
4	TRANSFERENTZIA ARRUNTAK	17.662.588	15.913.764	11%
5	ONDARE-SARRERAK	332.201	202.701	64%
ERAGIKETA ARRUNTAK GUZTIRA		30.408.714	27.953.607	9%
Kapital Eragiketak
6	INBERTSIO ERREALEN BESTERENTZEA	8.280.000	0
7	KAPITAL TRANSFERENTZIAK	5.432.000	2.824.393	92%
8	FINANTZA-AKTIBOAK	12.000	8.000	50%
9	FINANTZA-PASIBOAK	6.769.286	4.975.000	36%
KAPITAL ERAGIKETAK GUZTIRA		20.493.286	7.807.393	162%
OROKORREAN GUZTIRA		50.902.000	36.761.000	42%

Aurreko urteko ekitaldiarekin alderatuta, kapital transferentziei dagokien 7. kapituluan %92ko igoera aurreikusi dugu, Altzaga-Goikoa errepidea egiteko lehen fasearen eraginaren ondorioz.

1.2 GASTUAK

KAPITULUA	DESKRIBAPENA	GUZTIRAKOAK 2008	GUZTIRAKOAK 2007	ALDAKETA %
Eragiketa Arruntak
1	PERTSONAL GASTUAK	11.805.273	10.775.488	10%
2	GASTUAK ONDASUN ARRUNT ETA ZERBITZUETAN	14.237.864	12.206.549	17%
3	FINANTZA GASTUAK	117.300	91.000	29%
4	TRANSFERENTZIA ARRUNTAK	1.604.000	1.898.300	-16%
ERAGIKETA ARRUNTAK GUZTIRA		27.764.437	24.971.337	11%
Kapital Eragiketak
6	INBERTSIO ERREALAK	22.991.000	10.652.100	116%
7	KAPITAL TRANSFERENTZIAK	0	0
8	FINANTZA-AKTIBOAK	25.000	26.000	-4%
9	FINANTZA-PASIBOAK	121.563	111.563	9%
KAPITAL ERAGIKETAK GUZTIRA		23.137.563	10.789.663	114%
OROKORREAN GUZTIRA		50.902.000	36.761.000	42%

Ematen dituen zerbitzuen maila hobetzea, zerbitzu horien kalitate maila areagotzea eta, ondorioz, zerbitzuen eskaera handitzea da Udalaren nahia. Hobetu nahi horrek eragin du, batez ere, gastu arruntak jasotzen dituen 2. kapituluaren igoera.

Transferentzia arruntak jasotzen dituen Gastuen 4. kapituluak behera egin du, bereziki, Udal Musika Eskolako zerbitzuan izandako aldaketaren ondorioz: lehen transferentzia zena orain pertsonal gastua izango da, hau da, 1. kapitulua.

Inbertsio errealak jasotzen dituen 6. kapituluaren zenbatekoa gastu guztiaren %45a da.

Amaitzeko, aurrezki garbiko ratioari buruzko hausnarketa sakona egin beharra azpimarratuko nuke. Izan ere, sarrerak jasotzen dituzten 1, 2, 3, 4 eta 5. kapituluen eta gastuak jasotzen dituzten 1, 2, 3, 4 eta 9. kapituluen arteko zatidura 2.522.714 eurokoa da eta zenbateko hori ez da nahikoa aurreproiektuak jasotzen duen guztizko inbertsioari aurre egiteko.